Nú líður að því að 16. hátíðin verði sett og að vanda verður hún fjölbreytt, dágóður hópur erlendra víkinga kemur til okkar, sumir í sextánda skiptið auk þess sem stór hópur vina okkar Færeyinga lætur sig ekki vanta, auk þess verður einn besti handverksmaður Grænlands með okkur á hátíðinni. Einnig má geta þessa að Víkingahljómsveitin Krauka en meðlimir hennar eru frá öllum norðurlöndunum og forsprakki þeirra er okkar maður Guðjón Rudolf.

Sögumenn, götulistamenn, handverksmenn sem bæði höggva í steina og tré eða berja glóandi járn, bardagamenn og bogmenn, svo eitthvað sé nefnt. Víkingahópurinn  okkar Rimmugýgur og víkingahópurinn Hringhorni frá Akranesi, verða hér að vanda með sínar skemmtilegu bardaga og glímutök á hátíðinni og fjöldinn allur af víkingum víðsvegar af landinu hefur boðað komu sína hingað til okkar. Á þriðja hundrað víkingar verða á svæðinu þegar mest lætur og fjölhæfir eru þeir eins og sjá má af upptalningunni hér fyrir ofan.

Dansleikir eru fastir liðir hér meðan á hátíðinni stendur, Hjómsveitin Dans á Rósum, mun spila föstudags og laugardagskvöld en fimmtudags og sunnudagskvöld munu ýmsir víkingar sem á hátíðinni verða stíga á stokk og láta ljós sitt skína eins munu þeir hita upp fyrir dansleikina.

Í lokin vill ég þakka þeim sem stutt hafa þetta framtak í gegn um árin en lógóin þeirra eru hér, þeir hafa ekki brugðist og eru búnir að standa með okkur í gegn um öll árin, þeim verður seint fullþakkað.

Það er von mín að þessi hátíð eigi eftir að halda uppi merki víkinga og halda áfram að gleðja þá gesti sem á hátíðina koma.

Gleðilega Sólstöðuhátíð Víkinga.

 

 

 

 

 

ÞRUMANDI ÞORRAVEISLUR
Ó – pungarnir prúðir og bringukollar
Pottréttir, saltkjöt eða flatkökur hollar
Hákarlinn sterki með smá brennivíni
Hangikjötslæsa ásamt léttur gríni.

Þorrinn byrjar nú sem endranær á sjálfan bóndadaginn, föstudaginn 20.janúar og lýkur á þorraþræl, laugardaginn 18.febrúar.Við verðum með okkar þjóðlega Þorrahlaðborð og Víkingasveitin syngur íslensk þjóðlög og aðra kviðlinga og leikur við hvern sinn fingur fyrir matargesti. 

Að borðhaldi loknu munu Árni Johnsen, Ólafur Árni Bjarnason og Hörður G.Ólafsson sjá um að halda fólki við efnið fram eftir kvöldi. Enda vanir menn á ferð.

Þorrahlaðborðið með einum bjór og skemmtun á aðeins 6.700,-. Gerum tilboð fyrir hópa.Þorrapakki – Gisting, bjór, þorraveisla og morgunmatur, allt á aðeins 11.900 fyrir manninn.(aukanótt kr. 5.000,- á mann. Verðin miðast við tveggja manna herbergi.) 

20.-21. og 27.jan. Ólafur Árni Bjarnason, Trúbador og Víkingur hefur leikinn á þorranum.

28.jan. Hinn síkáti eyjapeyji Árni Johnsen mun halda uppi þorragleði að hætti eyjamanna.

3.- 4. og 10.feb. Ólafur Árni, Trúbador og Víkingur skemmtir gestum að borðhaldi loknu.

11.feb. Árni Johnsen vitjar aftur lands og slær ekki slöku við í þorrastemmningunni.

17.feb. Ólafur Árni, gefur ekkert eftir, enda Víkingur mikill.

18.feb. Hörður G.Ólafsson trúbador slær lokatónana í Þorragleði Víkinga að þessu sinni.

Nánar...

Sólstöðu hátíð Víkinga 14 til 17 júní 2012

 

Víkingahátíðin í Hafnarfirði er elsta, stærsta og mikilvægasta hátíð sinnar tegundar sem haldin er á Íslandi. Síðan 1995 hefur Hafnarfjörður verið leikvöllur víkinga sem hafa í gegn um tíðina sýnt flesta þætti menningar víkingaaldar, siglingar, handverk, matargerð, leiki, sagnalist, bogfimi, bardaga og tónlist. Hingað hafa komið og tekið þátt í því að heiðra minningu forfeðra okkar fjöldi listamanna hvaðanæva að úr Evrópu og Ameríku. Stundum hefur verið tilefni til að koma með óvænt innskot, stílbrot til að undirstrika enn frekar hvernig nútíminn og víkingar fortíðar geta verið saman í sátt og samlyndi og myndað sterka heild.

Allt frá upphafi hefur verið lögð áhersla á að allt sé sem upprunalegast, að hátíðargestum finnist sem þeir hafi verið færðir þúsund ár aftur í tímann og þeir eins og fyrir einhvers konar kraftaverk séu staddir á sumarkaupstefnu. Skip frá útlöndum hefur komið til hafnar og verið tekið í naust, vörur bornar á land og kaupmenn hafa tekið upp varning sinn og stunda kaupskap. Það er mikið um dýrðir, tónlist, trúðleikar og dansmeyjar, mungát góð eins og segir í fornum bókum og borð svigna undan kræsingum. Síðan þegar allt virðist leika í lyndi kastast í kekki, menn berast á banaspjót og í góðsemi vega menn hver annan.

Á Víkingahátíðinni 2012 verður enn reynt að kynna til sögunnar nýja og ferska strauma, nýjar hetjur verða kallaðar til og reyndar ásamt gömlum kempum sem tryggir gestir hátíðarinnar þekkja. Alls má gera ráð fyrir að nú verði víkingar hátt á annað hundraðið íslenskir sem erlendir.

Sagnakvöld halda fram með hækkandi sól nú á Þorra og Góu.

Þriðjudaginn 7.febrúar munu sagnaþulur rjúfa kyrrð hellisins á Hótel Víking, við kertaljós og rjúkandi kaffibollum.

 

Félag Sagnaþula standa fyrir sögukvöldum nú sem endranær fyrsta þriðjudag í hverjum mánuði.

Sagðar verða sögur úr ýmsum áttum, kvæði kveðin og vísur fluttar.

Gestir eru kvattir til að stíga á stokk og eru allar sögur vel þegnar.

 

Sagnakvöld verða sem hér segir:

7.febrúar

6.mars

3 apríl

 

Dagskráin hefst kl. 20.00

 

Aðgangseyrir er kr. 500 og innifalið í verðinu er kaffi/te og kex.

 

Söguslamm, þ.e. keppni í að segja sögur verður á dagskránni í maí. Endanleg dagsetning er ekki komin á þann stórmerka viðburð, en verður væntanlega fljótlega göldruð fram úr viðjum nefndarinnar.

 

Sjáumst í Hellinum,

Nefndin.

Færeyskir dagar 18 til 20 mars 2011
í minningu Gunnars Christiansen

Að þessu sinni munum við heiðra minningu Gunnars Christiansen á færeyskum dögum en hann var meðal þeirra sem komu að því að hefja hið góða samstarfi sem en þann dag í dag er á milli Færeyja og Fjörukráarinnar.



 

Frá föstudegi til og með sunnudeginum verður boðið upp á sérstakan Færeyskan matseðil með Færeyskum söng og dansi eins og hann gerist bestur inn á Fjörunni. Birgir Enni verður með myndasýningu og segir frá Færeyjum frá klukkan 18.00 til 19.00 þessi þrjú kvöld ásamt því að hafa yfirumsjón með matseldinni. Sérstakir verndarar Færeysku daganna eru þeir Magni Arge forstjóri Atlantic Airways og Steinn Lárusson. Hljómsveitin sem kemur að þessu sinni er ekki af verri endanum. Men in Black er skipuð starfsmönnum Atlantic Airways og er ein heitasta hljómsveitin í Færeyjum undanfarin  ár. Auk þess má geta þess að Atlantic Airways er með ferðakynningu í Kringlunni þessa helgi ásamt nokkrum ferðaþjónustufyrirtækjum frá Færeyjum og verður hægt að nálgast bæklinga frá þeim á Hótel Víking.

 

Nánar...

 

INVITATION TO THE VIKING MARKET IN HAFNARFJORDUR 2012

Nú líður að því að 16. hátíðin verði sett og að vanda verður hún fjölbreytt, dágóður hópur erlendra víkinga kemur til okkar, sumir í sextánda skiptið auk þess sem stór hópur vina okkar Færeyinga lætur sig ekki vanta, auk þess verður einn besti handverksmaður Grænlands með okkur á hátíðinni. Einnig má geta þessa að Víkingahljómsveitin Krauka en meðlimir hennar eru frá öllum norðurlöndunum og forsprakki þeirra er okkar maður Guðjón Rudolf.

Sögumenn, götulistamenn, handverksmenn sem bæði höggva í steina og tré eða berja glóandi járn, bardagamenn og bogmenn, svo eitthvað sé nefnt. Víkingahópurinn  okkar Rimmugýgur og víkingahópurinn Hringhorni frá Akranesi, verða hér að vanda með sínar skemmtilegu bardaga og glímutök á hátíðinni og fjöldinn allur af víkingum víðsvegar af landinu hefur boðað komu sína hingað til okkar. Á þriðja hundrað víkingar verða á svæðinu þegar mest lætur og fjölhæfir eru þeir eins og sjá má af upptalningunni hér fyrir ofan.

Dansleikir eru fastir liðir hér meðan á hátíðinni stendur, Hjómsveitin Dans á Rósum, mun spila föstudags og laugardagskvöld en fimmtudags og sunnudagskvöld munu ýmsir víkingar sem á hátíðinni verða stíga á stokk og láta ljós sitt skína eins munu þeir hita upp fyrir dansleikina.

Í lokin vill ég þakka þeim sem stutt hafa þetta framtak í gegn um árin en lógóin þeirra eru hér, þeir hafa ekki brugðist og eru búnir að standa með okkur í gegn um öll árin, þeim verður seint fullþakkað.

Það er von mín að þessi hátíð eigi eftir að halda uppi merki víkinga og halda áfram að gleðja þá gesti sem á hátíðina koma.

Gleðilega Sólstöðuhátíð Víkinga.

 

 

Nánar...