Þorraveisla

Þorra blótað á Fjörukránni

Skola með bjór síðan öllu niður

Sítlar þá um kroppinn himsneskur friður     
 

Því bragð er best af fornu fæði

Forfeðranna fóður er algjört æði

Blóðmörinn súri og skyrið góða

Stolta Víkingana gerir óða
 

Þeir opna ginið og ofan í þá rennur

Allt það besta er festa á tennur

Ó – pungarnir prúðir og bringukollar

Pottréttir, saltkjöt eða flatkökur hollar

Hákarlinn sterki með smá brennivíni

Hangikjötslæsa ásamt léttu gríni

Því mikilvægt er, og best það tel

Í matboðum að fá að hlægja vel

Í sælu má smakka súran hval

Smjörklípa ofan á harðfiskinn skal

Súpa líka vel, en settlegur siður

Er að stoppa er þrútinn mjög er kviður

Þá hugur þinn fljótt til fortíðar leitar

Er um skálann ganga griðkonur feitar

Og hella í þitt horn dýrðlegum miði

Menn þrá að taka upp forna siði.

Viltu gott í kroppinn, éta á þig gat?
Af gómsætum íslenskum þorramat
Því það er víst að maginn þinn mjór
Elskar um þorra bæði slátur og bjór            

Paparnir spila, þú skankana skekur
Skvettir til frúnni- það ástina vekur
Síðan má fá svítu á hótelinu fína
Sællega þar kyssa konuna sína

Skunda í bólið,sofna rótt
Saddur síðan hrjóta heila nótt.
Er morgunstund mann á fætur setur
Meira má þá borða ef þú getur

Og allt það besta sem hér er í boði
Af rausn sinni býður Jóhannes fjörugoði
Á kreppuverði, nú karl skaltu panta
Komdu við lofum að fjör mun ei vanta
Viltu fæðið svo hollt, fá þér vel í tána
Flýttu þér þá beint á Fjörukrána